Bu yaxında prezidentin mətbuat xidməti İlham Əliyevin təvazökar, həyatda və davranışında hər zaman sadəliyə üstünlük verdiyindən dəm vurdu. Ona görə də mən bu sadə prezidentin Bakının Zaqulba qəsəbəsindəki istirahət sarayından bir neçə şəkil paylaşmaq qərarına gəldim. Malikanənin içi Türkiyənin dünyaca məşhur “Hitit Mebel Sənaye və Ticarət Şirkəti” tərəfindən tikilib və dizayn olunub. Bu şirkət Bakıdakı, Tbilisidəki və Yeravandakı ABŞ səfirliklərin binasını da dizayn edən şirkətdir. Yazdıqlarımın sübutu üçün şirkətin öz saytına baxa bilərsiz.  Bu da saytın keçidi! Google Mapdan görütüyə də bu keçiddən baxın. Aşağıda həmin maikanədən qısa video da var.

Villanın divarlarında məşhur ingilis rəssam John Kilmart öz əl işlərini sərgiləyib. Bu o rəssamdır ki, Qatar əmiri Hamad bin Xəlifə Al-Sani, Səudiyyə Ərəbistanı şahzadəsi Naif bin Əbdüləziz əl-Səud, Şotland milyarderi Ser Tom Hunter və s. kimi insanların villalarında sənət əsərlərini nümayiş etdirib. Malikanənin və bu əsərlərin neçə milyon dollarlarla ölçüldüyünü müəyyən etməyi oxucuların ixtiyarına buraxıram.

P.S. Ondan başqa bu təvazökar və sadə prezidentin Bakıda bir neçə, Qəçşeşdə, Göygöldə, Şəkidə, Dubayda da villaları olduğunu nəzərinizə çatdırım.

Click here to view the embedded video.

Siyavuş Novruzov

Səni sevirəm
İlhamın villalarının sayı qədər
desəm yalan olar
onun kəsdiyi qirmizi lentlərin
tayı qədər desəm
yenə yalan olar
bəlkə atəşkəsin
öldürdüyü əsgərlər qədər
minsk qrupu həmsədrlərinin
gəlişi qədər
İlhamla Sarkisyanın görüşü qədər
hər iki prezidentin
gülüşü qədər desəm
yenə yalan olar
bəlkə müxalifətin yürüşü
iqtidarın döyüşü
şəxsi evlərin sökülüşü
Cəlal Əliyevin söyüşü qədər
yox daha çox
xarici dəyirmanların enişi
qalstuklu paytaxt sakinlərinin
girişi qədər
körpülərin açılışı
iqtisadiyyatın yüksəlişi
inkişafın dirçəlişi qədər
səni sevirəm!
sən mənim baharımsan
sən mənim muradımsan
sən mənim bahar muradovamsan!

Azərbaycanda fəaliyyət göstərən bəzi gənclər təşkilatları “Eurovision 2012” mahnı müsabiqəsi ilə əlaqədar birgə bəyanat veriblər.
Bəyanatda deyilir ki, bəzi Azərbaycanı gözü götürməyən dairələr, o cümlədən bir sıra ermənipərəst qüvvələr yeni bir çirkin kampaniyaya əl atıblar. Həmin dairələr ölkəmizdə baş tutacaq bu möhtəşəm tədbirə kölgə salmaq, bununla yanaşı, Azərbaycanın siyasi imicinə xələl yetirmək üçün səfərbər olunublar. Biz bəyan edirik ki, “Eurovision” musiqi yarışmasına otveçatıq! Onun tükünə zərər gəlsə, ana-bacı söhbətini bir kənara qoyub, həmin dairələri kvadrat şəklinə salarıq! Lazım gəlsə “Eurovision” qeyd olunacağı günlərdə “Gey Parad”da da iştirak edəcəyik! Təki cənab, zatı-aliləri İlham Əliyev və onun möhtərəm xanımı Mehriban Əliyeva var olsun! Təki bizim Qarabağ boyda dərdimiz unudulmasın və davam etsin! Təki Azərbaycanın İlhamlı səsi bütün dünyaya yayılsın! Əks təqdirdə yenə qeyd edirik ki, həmin dairələrin başında təsbeh sındırarıq!

Bəyanat Gənclər üçün Təhsil Mərkəzinin təşəbbüsü ilə aşağıdakı gənclər təşkilatları tərəfindən imzalanıb:

irGənc Vətənşüvənlər təşkilatı
Qaçqın və Məcburi Köçkünlərin Hesabına Dolanan Gənclər Təşkilatı
“İlham Əliyev yaxşıdır, ətrafı pisdir” Alyansı
“92-93də gəlmişdüz də, gördük də” 90-cı ildə doğulan Gənclər Təşkilatı
Azərbaycan Tüllablar birliyi
Gənclər üçün Rüşvət Mərkəzi
Azərbaycan Gənclərinin Absurdistana İnteqrasiyası İctimai Birliyi
Mübariz İbrahimovun adına açılan saytda qız tutan qaqaşlar təşkilatı
Qarabağın Deşiyini Ermənilərə Verib, Mentalitetin Keşiyini Qoruyan Gənclər Uğrunda Hərəkat
Gənclərin Manqurtlaşması Naminə İctimai Bir­liyi
“Robot” Gənclərin İnkişafı İctimai Birliyi
“Hər gün bir əsgər ölsün, xeyir Səfərə qalsın” Gəncləri Maarifləndirmə İctimai Birliyi
Azərbaycan Diktatura Tələbə Gənclər Təşkilatı
Gənclərin Manqurtlaşmasına və Cahilləşməsinə Dəstək İctimai Birliyi
Azərbaycanda Həqiqət Qoymayıb Bu Həqiqətləri Vedrələrlə Xaricə Daşıyan Gənclər Təşkilatı

Mənbə: Fısqırıq İnformasiya Agentliyi

Original mətn: http://www.modern.az/articles/21137/1/

Rəbiyyət Aslanova: Ümummilli lider haqqda qanun qəbul olmalıdır!
Ümummilli lider: O arvada deyin dinc dursun,onsuzda burda vəziyyətim ağırdı

“İrəli” Qurban bayramında xeyriyyə tədbirləri keçirəcək. Begomot Ceyhunu qurban verməklə Azərbaycan tarixinə ən böyük xeyiri vermiş olarlar!

Leyla Əliyeva gedib Nyu-Yorkda deyib ki, Azərbaycan gəncləri bu gün azadlıqda yaşayır. Yəqin Azadlıq deyəndə Azadlıq prospektin nəzərdə tutur.

Azərbaycan əsgərini ermənidən başqa hər şey vurur: Gün vurur, ildırım vurur, şaxta vurur, öz əsgər yoldaşı vurur, təkər vurur, elektrik vurur, rejim vurur!

BMT-nin UNFPA təşkilatın bəyənatı: Sən Ətəğa Azərbaycan Müdafiə Nazirliyinə deyin imkan versinlər dünya əhalisini 7 milyarda çatdıraq da!

İsveçrə alimlərinin araşdırmasına əsasən kompyuterdəki Winrar sıxışdırma proqramı Bakının basa-bas marşrut taksilərində kəşf edilmişdir.

Məncə ANS İlham Əliyevin bölgələrə səfərini +18 olaraq qeyd etsin heç olmasa uşaqlarımız bu qədər yaltaq və oğraşı bir anda izləməsin!

“Ermənistanda Nə Qədər Adamın Qaldığını Xəbər Vermə” Mərkəzinin direktoru, politoloq Mübariz Əhmədoğlu: “Hal-hazırda Ermənistanda aclıq ucbatından 2 milyon, 468 min 412 nəfər yarım insan qalıb”!

Bir həftəyə hərbi xidməti və Harvardı bitirən Ceyhun Osmanlı: “Azərbaycan müharibəni bir həftəyə başlayıb-bitirməyə qadirdir”!

Elgiz “Səni Axtarıram” verilişinin sponsoru Google olduğunu oxuyub, Odnoklassniki saytına “Toy Olsun”a sponsorluq etməsi üçün mail göndərib!

Heyvan hüquqları müdafiə təşkilatı: Qurban bayramında Heydər Əliyevin şəkilin ekran küncünə qoymayan milli telekanalları şiddətlə qınayırıq.

İlham Əliyev Milli Parkda “Kiçik Venesiya şəhərciyi” tikdirir. Güya bilmir ki, Hacibəlanın sayəsində Bakı “Böyük Venesiya bataqlığı”na dönüb.

Bayrağın yaşı 93, Heydər Əliyevin yaşı 80. Bayraq yaradıcısı kimi onun şəklini ekran küncünə sırıyanların yaşı da,  şərəfi də sıfırın altında!

Sevil Əliyeva – dahi bəstəkar, Kəmaləddin Heydərov dahi bəstəkar, Tağı Əhmədov – incə qəlbli şair, Emin Ağalarov – dünya şöhrətli müğənni, Həbib Müntəzir – kainatca məşhur kosmanavt!

Heydərizm rejimi Femidanı zorlayaraq öldürüb. Azərbaycandakı hüquq müdafiəçiləri isə Femidanın yasına yığışıb halva yeməklə məşğuldurlar!

‎”Mən siyasətdən uzağam” təşkilatının sədri İlham Əliyevin ətrafında sıx birləşdiyi üçün ürəkçatışmazlığından vəfat edib. Vətən sağ olsun!

‎”Azadlıq” metrosu istiqamətində hərəkət edən marşrut konduktoru “Azadlıq! Azadlıq!” qışqırdığı üçün polis tərəfindən 12 sutka həbs olundu.

İlham Əliyev “Azərbaycanda multikulturalizmin gələcəyi var” – dedikdən sonra Azərbaycan kulturistləri sevincək olub, turnikdən sallanıblar!

Əgər azərbaycanlı futbolda etiraz olaraq meydançaya mobil telefonunu atırsa bu cənab prezidentin sosial-iqtisadi inkişafının göstəricisidir!

- Azərbaycanın şimal qrupuna aid olan xanlıqlarını sadala görüm.
- Naxçıvan, Şirvan, İrəvan, Tayvan..
- Otur aşağı, iki! Heyvan oğlu heyvan!

YasaMallı qaqaş ilk dəfə Türkiyədə restoranda nahar edərkən: Abi sana zahmet, fortuçkanı kapatsana, skvaznyak oluyor!

Hacıbəla oturub Kurtlar vadisinə baxaraq ordakı “dərin dövlət” ifadəsini eşidib. O andan etibarən Bakını qaza-qaza dərin dövləti axtarır!

Azərbaycan millətçisi: Kərkük Azərbaycandır!
Türk millətçisi: Kərkük Türkiyədir!
Yasamallı qaqaş: Ay brat, bu Kərkük İraqda deyildi?

Bakı Dövlət Univermağı nəzdində yeni fa(c)kultə: Müasir kAbel texnologiyası və elmi-tədqiqat laboratoriyaları sayəsində yaltaqlıq fakultəsi!

Həkimlər Yaşar Nurini süni nəfəs aparatından ayırıb, xalq artisti danışmağa başlayıb və ilk cümləsi bu olub: Mən nə qələt elədim YAPa girdim!

Yapcell-dən yeni kampaniya: Qayçı yaz, 6969-a göndər İlham Əliyev gəlib qırmızı lent kəsərək istədiyiniz obyektin açılışını edəcək.

İsrailə 50 kq qoyun əti aparmaq istəyən amma gömrükdə saxlanan nazirdən şok açıqlama: “Azerbaycan həqiqƏTlərini dünyaya çatdıracaqdım”!

Türk serialların yasaq xəbərindən sonra İlham Əliyev milli serial çəkilməsinə 5 milyon manat ayırıb. İlk serialın adı: “Ərdoğanın suçu nə”?

Bakı kəndlərinə asfalt vurandan sonra kanalizasiya çəkiləcəyini söz verən İlham Əliyev Bakıda yay olimpiadası keçirmək sevdasına düşüb!

2011-ci ildə Azərbaycanda ən çox izlənən Youtube kanalı mənimdir: www.youtube.com/munteziri
Keçən il ümumi baxış sayı 5,162,331 dəfə olub. İzləyicilərin baxış sayına görə ilk sırada Azərbaycan 3.945.352 dəfə, ikinci Rusiya 520.241 dəfə və üçüncü Türkiyə 120.249 dəfə olub. Yerdə qalan sayılar digər dünya dövlətlərinə aiddir. Ən çox video izlənən gün dekabr ayının 13-ü 40 min nəfər tərəfindən olub. Ümumi şərh sayı 10508 ədəddir. Şərhlərdə ən çox “bu” sözü və daha sonra söyüşlərdən istifadə edilib.

Ən çox izlənən ilk 3 video:
1. Analoqu olmayan yaltaq - 239,261 dəfə
2. AST Telman  və Ziya Məmmədov toy məclisində – 191,314 dəfə
3. ANS TV-nin buraxdığı quşlar – 181,690 dəfə

Ən çox bəyənilən 3 video:
1. ANS TV-nin buraxdığı quşlar – 312 nəfər
2. Analoqu olmayan yaltaq – 221 nəfər
3. Analoqu olmayan yaltaqdan güya düzəliş – 95 nəfər

Ən çox bəyənilməyən 3 video:
1. İlham Əliyev haqqında yeni klip – El Oğlu 2011 – 381 nəfər
2. Robert Əyyubovun qudurğanlığı – 130 nəfər
3. Analoqu olmayan Səlyan yaltağı – 117 nəfər

Ən çox şərh olunan 3 video:

1. Polisin qadınla vəhşiliyi və Quran tapdalaması – 457 ədəd
2. Nadir Qafarzadənin Türkiyəyə münasibəti – 411 ədəd
3. Analoqu olmayan yaltaq – 409 ədəd

İctimai TV-nin xəritə biyabrçılığı yadınızdan çıxmayıb yəqin ki. Öz səhvlərini mənim üstümə atan, şərləyən və bununla da digər telekanalizasiyalardan fərqlənmədiyini bir daha nümayiş etdirdi!

İndi isə Bakı şəhəri Nərimanov rayonu 82 saylı orta məktəbdə Heydər Əliyevin əməyi nəticəsində ərsəyə gələn başı-bəlalı torpağımızın xəritəsi meydana çıxıb. Buyurun bu da xəritə! 

Xəritənin ermənilərin və ya ermənipərəstlərin ərsəyə gətirdiyi məlumdur. Azərbaycan şəhər və rayonların erməni dilində olması və Qarabağın “Muxtar Respublika” (Autonomous Region of Nagorno Karabakh) olaraq qeyd olunmasıdır! Təhsil müəssisəsində (2010-cu ilin ən nümunəvi məktəblərindən biri seçilən) belə bir şey varsa ki, var hər gün İsmayıl TV kimi telekanaliyasiyalarda vətənşüvənlik etməyin xeyri yoxdur!

İndi bu İsmayıl TV xəbərlərdə desə ki, o xəritəni ora düşmən dəyirmanına su tökən, donosbaz, dələduz və Azərbaycan əleyhinə olan qüvvələrin qarşısında müntəzir dayanan Həbib Müntəzir asıb, təəccüblənmərəm!

P.S. Fotolar və məlumat üçün Mələk Abidinovaya təşəkkürlər!

Gün keçdikcə bu rejimin mundarlığı, cahilliyi, səriştəsizliyi daha da özünü göstərir. Səhər, günorta, axşam hətta Heydər Əliyevdən çox Eurovision kliplərini göstərən İctimai TV (oxu: İsmayıl TV) saytında Azərbaycan xəritəsinin Qarabağsız variantı yayılıb. Buyurun bura daxıl olun. Utanmadan yazını da ingilis dilində yazıblar və qeyd olunur ki, Fransa və İspaniya muzeylərində tarixi torpaqları sərgiləyən Azərbaycanın böyük xəritəsi hazırlanacaq. Və bu xəritələr sayəsində ermənilərin Qafqazın yerli xalqı olmadığı isbat ediləcək. Amma bu axmaqlar özləri şəkil kimi istifadə etdikləri xəritədə Azərbaycanı Qarabasız təsvir ediblər!

Onsuzda tapındıqları ümummilli büt Heydər ƏLiyev də bunu istəyirdi, arzularına çatdılar! Hakimiyyətə gəlmədən öncə, Qarabağda qızğın müharibə zamanı Azərbaycan hökümətindən xəbərsiz Ermənistanla separat danışıqlar aparan, Əlikramı və Sadvalı qızışdıran, hakimiyyətə gəldikdən sonra 41 batalyonu ləğv edib, 500-dən çox hərbçini həbsə atdıraraq, 6 rayonun getməsinə səbəb olan Heydər Əliyev və onun yolunu gedənlərdən ancaq və ancaq bu cür xəritə gözlənilən idi! İndi özünüz qərar verin, bunlar ermənidən betərdir ya yox? Bunlar bizi bunca alçaldırlar, rəzil və rüsvay edirlər ya yox?! İngiliscə danışıb, turnikə dırmaşan prezidentləri ilə öyünənlər utansınlar!

Sonrada da filan ölkə xəritəmizi dəyişdirdi, filan qəzet səhv verdi deyə vətənşüvənlik edib, güya vətənin xəritəsi üçün yanan, onun dəyərləri üçün mübarizə aparan roluna girir bu ədabazlar!

P.S. Bu biyabrçılıqdan dərhal sonra İTV zəng edilib və onlara bu barədə məlumat verildiyi halda hələ də nə xəritə silinib, nə bir şey!

YouTube’un World View proqramının gələn ayki qonağı Türkiyə prezidenti Abdullah Gül olacaq. World View programı hər ay bir dünya liderini qonaq edərək Youtube istifadəçilərinin video və yaxud yazılı olaraq suallarını verərək prezident vasitəsiylə cavablandırır. Suallar istifadəçilərin səs verməsi nəticəsində seçilir. Sual göndərmək üçün artıq 8 gününüz qalıb. Cavablar dekabrın 1-i NTV və Youtube üzərindən canlı olaraq yayımlanacaq.

Click here to view the embedded video.

Sən də vətənimizdə baş verən problemlər, Türkiyə-Azərbaycan münasibətləri və s. səni maraqlandıran suallarla Gülü narahat edə bilərsən. Bunun üçün bu səhifəyə daxil oluruq! Hansı dili bilirsənsə, seçərək sağ tərəfdəki formu doldurub, istədiyin yazılı və ya video sualını göndər! Məncə çox əla fürsətdir, bu fürsətdən yararlanaraq Azərbaycan həqiqətlərini çatdırmaq şansını qaçırma! Uğurlar!

(analoqu olmayan dialoq)

- Nə var, nə yox?
- Vallah, millətdə pul var. Hamı bir-birini dolandırır.
- Halallıqla? Bəs ədalət, azadlıqlar, insan hüquqları, göyə sovrulan pullar, Qarabağ!?
- İlham Əliyevdən başqa alternativ yoxdur!
- Bir vaxtlar bunu Heydər Əliyev üçün də deyirdilər. O vaxtlar İlham siyasətin “s”sını belə bilmirdi amma indi ölkəni diktatura ilə idarə edir.
- Prezidentdən həqiqətləri gizlədirlər, onun xəbəri yoxdur!
- Heç nədən xəbəri olmayan adam dövləti necə idarə edir?
- İlham Əliyev yaxşıdır, ətrafı pisdir!
- Ətrafını təmizləməyən, dövləti pisliklərlə idarə edən adam necə yaxşı ola bilər?
- Vallah, qardaş mən bitərəfəm!
- Bayaqdan İlhamın tərəfini tutan sən deyildin?
- Əşi 92-93 də gəlmişdüz də, gördük! Əlinizdən küçəyə çıxa bilmirdik!
- Sənin o vaxt neçə yaşın vardı?
- İki. Əşi, İlham getsə yerinə kim gələcək axı? Azərbaycanı da İraqın, Liviyanın gününə salacaqsız da!
- Bu xalqın İlhamdan qat-qat ləyaqətli oğulları var, bu cümləylə xalqı alçaltma. 90-cı illərdə bu xalq rus ordusunun önünə əliyalın çıxmışdı. İndi bir-birinəmi silah çəkəcək?
- Dövlətlə dövlətçilik edəcəksən?
- Bu dövlət bizimdirsə, hamımız əlimizi daşın altına qoymalıyıq, vicdanımızı, ləyaqətimizi satmamalıyıq.
- Mən siyasətdən uzağam…

Deməli bir neçə həftə öncə ANS-in şilləvuranı Vahid Naxoş hərbi jurnalist kimi özünü sırımaq üçün Liviyaya gedir və orda hər şeyin güllük-gülüstanlıq olması barədə reportajlar hazırlayır. Yəni “Ay camaat baxın, əslində burda heç bir şey yoxdur, yalandan panika yaradıb, inqilab ab-havası yaradıb Qəddafini devirmək istəyirlər. Xalq firavan, xoş-xürrəm həyatını sürür. Liviya xalqı, Qəddafinin ətrafında sıx birləşib! Qəddafi yaxşıdır ətrafı pisdir!”
Bu mesajları verəndən sonra çox güman ki, qulağına Liviyanın köhnə himni dəyib və elə zənn edib ki, kimdir bu himni dirçəldən. Amma unudub ki, yeni gələn sistem o himni bərpa edəcək və o himn bizim qulağımıza dəyəcək. Bir sözlə ayanesçilər himni oğurlayaraq, sözlərini Çingiz Mustafayevin adına sırıyaraq, “Azəri, Azəri” deyə-deyə yeni “Millət Marşı” qayırıblar! Dinləyin:

Click here to view the embedded video.

Click here to view the embedded video.

Şüarını vicdanlı qoyan bu vicdansız kanalın nümayəndələri sonra vətənpərvərlikdən ağız dolusu danışa-danışa erməniləri bizim mahnılarımızı oğurlamaqda ittiham edirlər! Alə camaat gedir Liviyadan neft, qaz, nə bilim su oğurlayır, bizim ANS də gedib himnlərini oğurlayıb! İndi bunların vətənşüvən olduqları bir daha təsdiqləndi!

P.S. Üstəlik 2:35 dəqiqəyə diqqətlə baxın, Qurani Kərimi də tərsiməyallaq göstərirlər klipdə. Bu da bunların növbəti saxtakarlığı!